जंगलवाटा धुंडाळताना – १५ ते १७ एप्रिल २०१६


सूर्योदय

'अरे भन्नाट प्लॅन ठरतोय...येणार का? फक्त शुक्रवारची सुट्टी काढायला लागेल...बघ जमत असेल तर सांग...'. लगेच काही प्लॅन न ठरलेल्या सुट्टयांपैकी एका सुट्टीची कोणात्याही नातेवाईकाला आजारी न पाडता आहुती दिली आणि होकार कळवला. गुगल अर्थवरील घनदाट हिरवेगार जंगल ऐन उन्हाळ्यात डोळ्यांना गारवा देत होते. नेहमीच्या डोंगरवाटा सोडून जरा आडवळणावरची जंगल भटकंती नक्कीच सुखावह ठरणार याची चाहूल नकाशा बघूनच आली.