लोणावळा ते भीमाशंकर (लोभी) २१-२३ ऑगस्ट २०१५

बऱ्याच दिवसांपासून डोक्यात घोळणारा 'लोभी' ट्रेक करायचा ऑगस्टमध्ये नक्की झाले. ब्लॉग, नेटवरील माहिती, मॅप वाचून सगळी माहिती मिळवली. ७ वेळा हा ट्रेक केलेल्या प्रसादला भेटून वाट समजावून घेतली. सगळा प्लॅन तयार झाला, यावेळेस एकटेच जायचे ठरवले, पण एक-एक जण  जोडत जाऊन चार जण झाले आणि परत सगळा सावळा गोंधळ सुरु झाला. 

भटकंतीमित्र - गणेश मोरे

भटकंतीमित्र ही संकल्पना सुरु झाली आणि 'एकसे बढकर एक' लेख वाचायला मिळु लागले. ज्यांच्याबरोबरीने अनेक ट्रेक केले त्यांचे नानाविविध पैलू यामुळेच उलगडले. प्रत्यक्षात ज्यांचे कधी 'Thank you' म्हणून आभार मानले नाहीत, ती संधि आता उपलब्ध झाली त्याबद्दल 'साहेबा' (बोम्बल्या फकीर) पहिले तुझे आभार.